Randau ruai

Jerita lintah
Ipar aku nusi iya ngagai bank empai lama, lalu betemu enggau mayuh bala ke dikelala. Nya meh bala bejeritaka penusah setengah rumah panjai ketegal lintah. Laban ke ka nambahka penatai pemisi, sekeda bala di menua din enggau urang belajar nupi lintah. Bala tuai rumah mungkang disponsor MARA. Tuai rumah kami enggai enggau, nangi enggai ke enda kur, enda alah lintah tak lepas ku ia. Kami serumah enda enggau urang magang. Kenu enti udah besai, rega lintah RM120-150 sekilo, ari puko RM2000/ ulih ngasilka penatai RM12000 - RM14000 dalam kandang enam bulan. Amat bulih tahan nya, tau amat diuji enti ka.

Tang meh di menua din, tak enda gagit bala nguji, pungka nyau mayuh amat bala mutapka sida ke nupi lintah. Entah angka kurang jaga kini, bisi lintah lepas ari sarang alu diatu mayuh ba ai sungai, bisi disebut sida nama sungai ke semak menua Dijih ke bisi lintah. Kenu lintah nyu bisi nginsap bala, kedua nyu enda nemu diri diinsap lintah, nyepi ta gatal, silak ka kain peda ta bisi lintah ba pah ..... mula la jerita.

Ee kita ke indu anang kemi di ai, enda alah inggap lintah pia ku apai Nyah. Ee, aku enggai enggau kitai nebang mulong ila, enda alah lekat lintah ku indai Pawa. Eh, anang nangi nuan endun, ku apai Nyah, ngena chawat ke hapit kitai, tanchang kaki tanchut, enda lintah tama, pia.

Nya meh ipar aku nusi siku apai tuai ke ba bank alu mutap, "tak bedau baka kitai nya ga sida ke nupi lintah.." ha ha

Apai Nyah alu bejerita. Agi mit kelia, aku ninga jerita sida niang indai ku iya. Bisi sanu jadi enggau sanu, tang bini iya enggai ka iya. Enda begulai meh seduai. Sekali nurun ka umai, iya mansa sungai bini alu kemi. Tak nengkerut ba tebing sungai, kelisi ka kain, alu kemi. Udah datai di umai nyepi tak gatal pah, silak ka kain, peda lintah benung nyumpin ba pah. Nyerauh bini, di sah laki, nama deh, tak diketup laki iya lintah, labuh meh lintah ari pah. Udah nya nama deh, nyu ka meh bini ke laki iya, pia ku apai Nyah. Indai Ngelai lalu lekik-lekik, mayuh amat penumbuh jerita aki tu, ku indai Ngelai. Ee amat uchu, ga urang indu kelia ma ka kemi sigi ba tebing sungai, ku apai Nyah. Nya sigi amat uchu, ku indai Nyala, ma ka kemi sa indai, tak dikelisika kain, udah. Ni mandi ga telanjai urang tuai kelia, pia.

Ha ha aku alu bekelekik enggau bala ketawa, mayuh amat tuju lintah, kedua kena nambahka penatai pemisi, kedua ngerawanka menua, kedua nyadi buah kenang bala penanam sawit ba bank, kedua ngasuh bini gaga....macham-macham lintah...Angka tau ga kitai nguji enggau urang nupi lintah, enda pia...

Jerita chikungunya
Aki Bantan, benung nyudu-penyudu makai, tumbuh tak rebah ke tisi, lalu jam.
Apai Simba, benung meremi, ka angkat udah makai, tumbuh tak jam, enda ulih angkat.
Indai Ngelai, benung gawa ba kebun sawit, tumbuh tak lalu tetungkam, jam, nyu ulih bala anak iya ngiring, betungkat pulai ke rumah.
Indai Sapit benung gawa ba belakang rumah, tumbuh tak tepelilai, nyu be entawai ba dinding rumah mulaika diri.

Ukai anchi-anchi enti kena jangkit penyakit chikungunya, tak lalu jam. Kenu ku bala kaban aku ke gawa ba spital, sakit nya ngasuh buku tulang pedis. Penyakit nya datai ari nyamuk. Amat kitai gerai dalam sari dua tang isi agi tubah pedis, kedua udah sebulan sakit agi meh pedis sebelah siku, buku ali, jari, ...uchu Bantin nyentukka pansut utai be igi igi ba tubuh, baka sakit gelumut. Nyu nyelupu kulit tudah uchu, tama spital Sibu iya.

Nya meh, nama mayuh amat penyakit, tak nyelai suba H1N1, nya sigi penyakit terebai nya, pia ku indai Ngelai. Betul amat utai disebut iya, sigi amat penyakit terebai H1N1..

Nya meh sekeda randau ruai kami serumah lemai mari. Ku jaku ka mai urang nanam sawit saritu tang ari ujan, nya alai asa tua dadi. Mau tak mau ngasuh urang nangkap kontrek nanam,arapka enda lama meh urang nanam, ngambi tua dadi ulih belelak & nadai utai dikenangika agi udah tu.

Pun bungai aku udah dipelepa

Lemai tu kami sebilik, mindai & menyadi nerima penatai temuai ari Asap enggau Sibu. Sida datai, ka melepa pun bungai ke ditanam tua dadi, pia ku jaku aki urang lelaki. Ka tanda melepa, dia apai urang lelaki meri dadi parang ilang. Kenu ku adat bansa Kayan, ilang ke tanda urang melepa temuda ke endur bumai, ngambika enda di ambu urang bukai. Ku adat kitai Iban nuku. Pengawa ke nangkan ka tu bedau ditetap, nganti penembu pengawa ke ka dikereja seduai empu tubuh. Iya ke lelaki ka ngambi postgraduate setaun di LSE, bekejang ari enam tu ila. Tu gambar kami.

Begambar bebala mayuh: aki ini & apai indai Cris, dadi, Tuai & aku.

Ini & indai Cris
Aki, menyadi & bala ari sepiak lelaki
Apai Cris & mandal Tuai Rumah ari Asap.
Indai Kumo, Maie & indai Muntai
Dadi, ika aku apai Julie & menyadi aku apai Sampai.
Indai Sampai, apai Kumo, Tuai duduk begulai enggau ibu Cris ke nyadi Tuai Rumah sida di Asap.

Bala ari sepiak lelaki ari Asap & Sibu.

Selamat Ari Pengada ke 22, Sayau!

Erica Sarah Sudan at 5 months.


Erica Sarah Sudan at 3 years, on her birthday. As mischievious as the smile. She climbed windows and staircases.

Erica Sarah Sudan at 3 years, tired after raun-raun at Pontianak in 1990.

Erica Sarah aka Bungai Terong (http://ericasudan.blogspot.com/) during Christmas 2008.

Nuju anak aku ke dikerindu, ke dikesayau, ke bagas, ke mentas ati, selamat ari pengada ke 22 taun ngagai nuan saritu. Taja kami enda begulai enggau nuan, nuan di ati belama. Awakka Allah Taala merekat nuan belama, awakka Iya nyaga ngemataka nuan, meri nuan pengerai, pengelantang, pengerindu, pengeliat ati, pengering, awakka nuan mujur ba pelajar enggau semua pengawa bukai, Amen.

Return of the Beloved Son

Igat datai pagi tadi, chuti seminggu. Tengah ari tadi kami merarau, indai enggau anak menyadi aku dua iku bisi nemuai. Igat ari kemari udah mesan ngasuh aku manduk lauk ke diketengukka iya - daun ubi guring enggau sayap manuk panggang. Acih ulu, lagi-lagi daun ubi, lagi-lagi sayap manuk! Aku sigi gagau berengkah ari lemai kemari - udah berapi lemai aku lalu berengkah ngaga pineapple cheesecake (favourite Igat) enggau banana cake. Nyau pukul 9.30 malam baru aku tembu.

Bala ketawa ninga aku nusi jerita Sudan. Tua Sudan berandau ba talipun kemari lalu iya nusi diri tusah ati maya pulai hari raya ila ketegal enggai dibai tua apai iya makai lauk "sihat", lauk rebus-rebus. Aku ka nganjung nyawa makai aku Mi, ka makai utai nyamai, enggai aku dibai seduai dadi makai utai sihat-sihat, pia ku Sudan. Ee, anang irau di anak, enda aku mai kita makai utai bakanya. Tu adi nuan datai pagila udah distok aku meh peti ais dia ku aku. Bala pangan Maie ke nemuai sarinya pin ngerara peti ais aku kusong, muti bisi buah enggau sayur mimit... nama guna aku nyimpan utai mayuh, ukai bisi makai, mesa ni utai di empa tua dadi.

Apai enggau bala anak.



Igat Besai (Belayong), indai aku & Kulan.

Indai aku. Eh, nyau baka anak mit aku makai endu, nyau bisi labuh sebelah baju utai dipakai, ku indai. Nya alai sepiak baju iya basah, udah ditipuk enggau ai...

Tu pineapple cheesecake, di idang Maie begulai enggau fresh strawberries & chocolate syrup.

Nuju Sudan: Bakatu utai ka dipakai nuan Met?

The Lord gave and the Lord has taken away

The message was brief, it said "Father Wan is critical in ICU Miri GH. Please pray now". It was 4pm last Tuesday, 18 August. I was alone at home, under strict orders to have bed rest after a bad back sprain. Daphne, who took leave to mind me since dadi was away in KL, had gone to pick up Cris from the airport. I immediately prayed the Divine Mercy, pled with God to spare his life, told God that He needs a shepherd for His flock, so heal him, please Lord. Whilst praying my cell phone went ting tong ting tong, signalling the arrival of new messages. Prayer done, I read new messages to say that he had passed away and another to say that that was a false alarm, his heart stopped (or, as Daphne said, went asystole) for 15 minutes but they managed to revive him. Then began the calls to pray for him, to pray for God's mercy to preserve his life.

Wednesday came and the report from Miri was bad. He was on machines to keep him going. I called Pat and we decided to pray for God's will to be done. If it is Your will Lord that Fr Wan should survive, let it be done, Lord. But if it is Your will that he should go, let Your will be done too, Lord.

This morning Daphne smsed to inform that he could go anytime, he was in real bad shape: acute renal failure, suffered heart attack, high acidosis, eyes were dilated, not responsive to light. Stephen, the head of our Visiting the Sick ministry smsed, asked everyone to pray the divine mercy during mercy hour. So it was at 3pm today, in unison, from our respective locations, at home and offices, we surrendered Fr Wan to the Lord's mercy and prayed for his peaceful death. At 8.45pm tonight, the long suffering servant of the Lord breathed his last. Dadi and I prayed the rosary for his soul. I turned to Job in my grief, trying to find comfort from Scriptures. "The Lord gave and the Lord has taken away, blessed be the name of the Lord!" (Job 1:21). "We accept good things from God; and should we not accept evil? (Job 2:10). I recalled the thanksgiving mass and dinner held for him last month, to mark his 32nd anniversary as a priest. He came to our table, invited us to visit him in Long San, said its a beautiful place, said we got rooms with nice view, asked us to contact someone to arrange for transportation and said na huh, the road is fanstastic, don't worry.....little did we know then that that was to be our last supper with him. We will miss you terribly Father.

O Lord, have mercy on the soul of Father Anthony Wan. He died in hope and may he share the glory of Your resurrection. Let perpetual light shine upon him O Lord, and may he rest in peace, Amen.

Semadi

Ari nyau jauh malam, tang mata aku enggai tinduk, nya alai aku blogging. Tua dadi bisi ngulu farewell dinner ke bala staffs kami ke deka pincin tadi. Aku ta semadi amat enggau, tang dadi keran amat ka mai aku, iga nuan enggai deh, nyadi kaling aku la nuan, nama pengawa nuan nyadi Uging di rumah kediri legi ku dadi. Hmm, semadi meh, ketegalka darling mai aku ka kaling iya, nurun ga aku. Ka best amat aku gali melapik ba sofa, meda TV tauka macha bup, betelipun enggau bala anak....

Aku lalu begari berumban-rumban, ga aku bara jengkak-jengkak exercise tadi, nya meh maya beradu nyau peluh nerusan. Enggai lekat makeup. Ah, merinsa ndar kita tu ku ati aku, mutapka peluh, tak enda bekerejasama enggau aku, enda nemu aku ke berumban. Udah ga ngerangkaika buok, udah ga sigi enda nemu iga ngesep buok enggau manah (ia enda nya kebuah aku bebuok pandak, ketegalka nadai pengelandik enggau urang ngesep buok bemacham stail). Di ajar hairdresser ke suah endur aku masu/ngesep buok aku bakanika ngesep buok: madam ku Jeniffer, kamu mesti pakai hair dryer yang kuat, macam saya pakai, baru dapat kasi rambut mati ku Jeniffer, enti buok udah "mati" baru ka disugu, disep enggau manah. Au, ngiga meh aku hair dryer ti ku iya, bisi tetemuka ba Farley, tang ma aku ngena enda ga aku nemu ngaduka buok manah baka enggi tukang guntin, baka enggi urang. Eh kapa, barang baka ia meh ku aku, asal enda chukak-chukak buok, enda la ta baka Minah Tunggit gamal kitai nurun gawa & ngulu function.

Dah nya pasukka baju, rigau-rigau ngiga accessories ke patut kena nipak baju. Ga aku cherida, barang kemas, tinchin, gelang enggau tenggak gula batu tak din dia endur aku engkah, ba jemari gelas di baruh, ba dresser, ba altar, ga ma ka ngena abis sarang kutak dibuka, ngiga ni bagi ke ka dikena. Minggu tu kemari aku ka KL, peda deh sepiak antin ta agi ba kucik beg ka selalu kena aku travelling. Nya sigi gaya aku. Wei, utai gula batu meh ku aku madahka apai Maie ma ia ngehaha (munyi ku uhang Dijih) aku ngena accessories baru, - hmm ia meh, tenggak gula batu Monet, antin gula batu Liz Clairborne, kutai munyi ku Dor; nya siti agi penyakit ti tusah dibuai, ka amat meli utai gula batu. Apai Maie enda memunyi, angka iya ngira manah agi diatu enda baka maya aku agi zaman jahiliah menya munyi ku Melayu, udu amat kami sida Idu, sida Nuai, bebelika emas. Tua Nuai raun ngagai New Zealand sempat meh meli emas. Ia ga enggai mit utai dibeli, nyau kaling-kaling meh tenggak dikena, nyau baka ke disepu lenggan ma dipasangka sa gelang....ma bisi pengawa SIDS tak kebelik emas bala, ga kami kala dirara siku penghulu suba. Aku gi nguluka urang amu bakanya. Ukai semina amu, tang vain, tang showy, munyi ku omputih. Ba chukup, nyampun, kelia. Bidik maya nya nadai mensia jai baka diatu ke ka ngeragut barang kemas. Diatu, dini ka ngena emas kuning nya agi..di trade in aku enggau precious stones, ka digalauka bala anak, tang Maie enggau Sudan tak enggai ngena. Tak pandang mereka. Ee, nadai kami begunaka utai nya Mi, nya ke kebelik kena nuan nya baru kami ka, ko nganu kitai. And by the way, ku penemu aku manah agi kitai indu ngena barang gula batu, ambi kitai enda diragut urang. Barang gula batu memanah, mayuh amat fesyen, ni pemilih kitai kena nipak gari, ia ga enti chun sigi striking amat dipeda, ia ga rega jauh lebih murah ari emas (enti kitai enda milihka bisi brand).

Au pulai ngagai jerita semadi. Semadi aku pansut ari rumah ma aku udah pulai gawa. Ga enti bisi utai dibeli sigi terus ngagai supermarket ma pulai ari upis, ngambi enda nurun baru udah datai di rumah. Aku muti mindah malam ari dua enggau ari tiga laban cell group meeting enggau holy hour. Kalimpah ari nya aku mindah ma bisi nemuai ngagai bala kaban, tang diatu laban ke jerebu, laban ke penyakit H1N1, tak enda beundang pangan diri bala. Ku sa anak tua apai sida nadai life, tuchum dalam ati aku ninga sida munyi nya. We've been there, done that, children, in our young days. Now those things do not hold much appeal anymore. After a day in office, to be able to curl on the sofa and read or watch Hallmark movies, CSI or murder mysteries and a cup of coffee and cheesecake is bliss at our age... kita badu enda meh anak, agi biak, baru pansut ari kerungan. But that is not to say kami duai apai kita enda game ga, bisi maya game, agi tau dikenyadi, tang with the right company, good ambience, agi ga ulih masang lagu "Your Cheating Heart & Duduk Berimbai" (lagu wajip dadi, ga enda nemu mai lagu bukai deh, selalu off tune...) enggau keruncung sa Pauline Linang kelia for me...Neh, ni kita nemu poco-poco, wai anak?